वैशाख ३१ काठमाडौं। सत्तारुढ नेकपा एमालेका प्रभावशाली नेता केपी शर्मा ओलीले संविधानसभाको म्याद थपेर सरकारको आयु लम्बाउन खोजिएको आरोप लगाउनुभएको छ ।
युवा संघ नेपालको २१ औं स्थापना दिवसको अवसरमा आज राजधानीमा गरिएको कार्यक्रममा नेता ओलिले संविधानसभाको एक बर्ष म्याद थप्ने निर्णय सरकारको आयू लम्ब्याउने षड्यन्त्र मात्रै भएको दाबी गर्नुभयो । राजनैतिक पार्टीहरुसँग छलफल नै नगरी संविधानसभाको म्याद थप्ने सरकारको निर्णय ठिक नरहेको उहांले बताउनुभयो ।
वामपन्थी र गैरवामपन्थी ध्रुविकरणबाट मुलुकलाई मुडभेडतर्फ लैजाने षड्यन्त्रमा आफ्नो साथ नरहने ओलिले बताउनुभयो । ओलिले सहमति र सहकार्यका साथ अहिले संयुक्त सरकार निर्माण गर्नुपर्ने आवश्यकता रहेको बताउनुभयो । लडाकु समायोजन, हतियार व्यवस्थापन र दलिय सहमति पुरा नभएसम्म संविधानसभाको म्याद थप्नुको औचित्य नरहने ओलिको भनाई छ ।
साँच्चै संविधान बनाउन चाहेको भए सभासद्हरुले लिदै“ आएको सुविधा, भत्ता र पारिश्रमिक कटौति गर्ने निर्णय समेत गर्न ओलीले सरकारलाई चुनौती दिनुभयो ।
0 comments:
Post a Comment