असार ७,सर्लाही
अंशबण्डा विदादका कारण सर्लाही जिल्लाको राजघाट गाविस वडा नम्वर १ मा आज आफ्नै भाई प्रदीप माझीले दाजु र भाउजुको हत्या गरेका छन् ।
हत्या पछि प्रदीपले विष सेवन गरेर आत्महत्या गरेका छन् । आज बिहान राजघाटस्थित खेतमा काम गरिरहेका ३५ वर्षीय दाई प्रकाश माझी र भाउजु रीतादेवीलाई भाइ प्रदीपले बन्चरो प्रहार गरी हत्या गरेको राजघाट प्रहरी चौकीका सहायक निरीक्षक चन्द्रबहादुर श्रेष्ठले जानकारी दिनुभयो ।
दाई र भाउजुको हत्या पछि प्रदीपले धानबालीमा प्रयोग गरिने किटनाशक औषधी सेवन गरी आत्महत्या गरेका थिए । विषसेवन गरेको केही मिनेटमै प्रदीपको मृत्यु भएको थियो । केही महिनादेखि दाजु भाउजु र प्रदीपबीच अंश विवादमा पटक पटक झगडा हुने गरेको स्थानीयवासीन्दाले जनाएका छन् ।
