अनुप बाबु श्रेष्ठ
बैशाख ३१ गोरखा। अखिल नेपाल महिला संघ क्रान्तिकारी गोरखाको आठौ जिल्ला सम्मेलन पछिको प्रथम जिल्ला भेला सम्पन्न भएको छ । अनेमसंघ क्रान्तिकारी जिल्ला अध्यक्ष शोभा लामीछानेको अध्यक्षतामा सम्पन्न भेलाले पुनः शोभा लामिछानेको अध्यक्षतामा सचिव पछि चयन गर्ने गरी पचासी सदस्यीय नयाँ कार्यसमिती निर्विरोध चयन गरेको छ । नवगठित कार्यसमितीको उपाध्क्षमा अञ्जु कुमाल, सह–सचिव मिरा अधिकारी र कोषाध्यक्षमा निर्मला अधिकारी लगायत रहनुभएको छ ।
निर्माण व्यवसायिको हलमा भएको भेलामा बोल्दै प्रमुख अतिथी एवं अखिल नेपाल महिला संघ क्रान्तिकारी का केन्द्रिय सचिव अमृता थापाले पुराना रुढिवादि परम्परमा विश्वास र पुरुष वर्चस्व तथा पितृ सतात्मक प्रवृतिको विकासले गर्दा महिलाहरु पछाडि परेको बताउनुभयो । महिला अधिकार प्राप्तीको लागी शसक्त भएर क्रान्तीमा अगाडि बढ्नुपर्ने र संघर्षमा सकारात्मक सोच आवश्यक रहेको उहाँको भनाई थियो ।
कार्यक्रमा गोरखा जिल्ला क्षेत्र नं. १ का सभासद पार्वती थापाले महिलालाई अधिकार कसैले नदिने हुदा खोसेर नै लिनुपर्ने बताउनुभयो । उहाँले महिलामा एकता र जोस जाँगर भए मात्र महिलामुक्ति आन्दोलन सफल हुने दावी गर्नुभयो ।
कार्यक्रममा जिल्लाका १३ वटै ईलाकाका इलाका अध्यक्षहरुले प्रतिवेदन प्रस्तुत गर्नुभएको थियो । कार्यक्रममा तमुवान राज्य समिती सचिवालय सदस्य भगवती तिवारी, राज्य समिती सदस्य लेखबहादुर थापा लगायतले महिला अधिकारको बारेमा चर्चा गर्नुभएको थियो ।
0 comments:
Post a Comment