पार्टी अध्यक्ष झलनाथ खनाललाई कारबाही हुने :केपी ओली

बैशाख २६ काठमाण्डौ । नेकपा एमाले नेता केपी ओलीले पार्टीको निर्णय उल्लंघन गरेकाका कारण पार्टी अध्यक्ष प्रधानमन्त्री झलनाथ खनाललाई कारवाही हुने बताउनु भएको छ । प्रेस चौतारीले राजधानीमा गरेको कार्यक्रममा नेता ओलीले शान्ति र संविधानका लागि ठोस कदम नचालेको राष्ट्रिय सहमति कायम गर्न नसकेको र पार्टीको निर्देशनलाई अवज्ञा गरेको भन्दै प्रधानमन्त्री खनालले राजिनामा दिनुपर्ने बताउनुभयो । खनाल नेतृत्वको सरकार पूर्णरुपमा असफल भइसकेको यो सरकारलाई धन्यवादका साथ विदा दिनुपर्छ नेता ओलीले भन्नुभयो । नेता ओलीले जेठ १४ अघि नै राष्ट्रिय सहमतिको सरकार बनाई शान्ति र संविधान निर्माणको ग्यारेन्टी गरेमात्र संविधानसभाको म्याद थप्न सकिने बताउनुभयो ।