देव कला कार्की
चैत २० धनकुटा। धनकुटामा चैत्र १५ गते देखी जारी शहिद भीमनारायण श्रेष्ठ रनिङ्ग कप फुटवल प्रतियोगिताको फाइनल खेलमा थ्रीस्टार क्लब काठमाण्डौ प्रबेश गरेको छ । शनिबार सम्पन्न थ्रीस्टार क्लब काठमाण्डौ र सगरमाथा युथ क्लब मोरङ्गबीच भएको खेलमा २ का बिरुद्ध ५ गोलले पराजीत गर्दै थ्रीस्टार क्लब फाइनलमा प्रबेश गरेको हो ।
खेल शुरु भएको २० औ मिनेटमा सगरमाथा युथ क्लबका याकुब राइले पहिलो गोल गरेर आफ्नो टिमलाई अग्रता दिलाए पनि लगतै २२ औं मिनेटमा थ्रीस्टारका बुद्ध चेम्जोङ्गले गोेल फर्काएपछि बराबरी भएको थियो । त्यसपछि लगातार २७ औ मिनेटमा अर्को गोल गर्दै चेम्जोङ्गले आफ्नो टिमलाई २–१ ले अग्रता दिलाएका थिए ।
खेलको दोस्रो हाफको १४ औ मिनेटमा मोरङ्गका सुबास लिम्बूको सहयोगमा आत्मघाती गोल भए पछि सगरमाथा युथ क्लब अरु पछाडी परेको थियो । त्यसपछि सोहौं मिनेटमा पुनः सोही क्वबका सिर्जन लिम्बूले एक गोल गर्दै आफ्नो टिमलाई अग्रता दिलाएका थिए ।
त्यसपछि लगातार थ्रीस्टारका सुबिन श्रेष्ठले गोल थपेपछि थ्री स्टारले फाइनलको लागि यात्रा निश्चित गरेको हो । शनिबारको खेलमा थ्रिस्टारका रबि थापा म्यान अफ द म्याच घोषीत हुनु भएको छ । भोलीको खेल देउराली युवा क्लब धनकुटा र ंविर्ता क्लव झापावीच हुने आयोजकले जनाएको छ ।
प्रतियोगितामा साहरा क्लब पोखरा, सगरमाथा युथ क्लब मोरङ, विर्ता युथ क्लब झापा, सप्तरी ११, धनकुटा फटबल क्लब र डिफेन्डिङ च्याम्पियन,देउराली क्लब धनकुटा सहभागीको सहभागिता रहेको छ । प्रतियोगिता विजेताले रनिङ कप सहित नगद ५० हजार र उपविजेताले कप सहित नगद २५ हजार प्राप्त गर्नेछन् । यसबर्ष देखि उत्कृष्ट खेलाडी, हाईस्कोरर, उष्कृष्ट गोलकिपर, डिफेन्स र स्ट्राईकरलाई समेतलाई पुरस्कृत गर्ने आयोजकले जनाएकोे छ ।
विगत बर्षमा उत्कृष्ट खेलाडीलाई मात्रै पुरस्कृत गरिदै आएको थियो । प्रतियोगिता २१ गते सकिदैछ ।
0 comments:
Post a Comment