बैशाख ६ सल्यान। सल्यान जिल्लाको कपुरकोट,खौला,सल्लीबजारमा जिल्लका पर्यटकिय स्थलहरुको फोटो सहितको होर्डिङबोर्ड राखिने र त्यसकालागी सल्यान रुकुम यातायात व्यवसाई समितिले सहयोग गर्ने भएको छ । पर्यटन वर्ष सन् २०११ जिल्ला समन्वय समिति सल्यानको आज खलंगामा सम्पन्न बैठमा सो निर्णय भएको छ ।
यस्तै श्रीनगरमा समेत सोही प्रत्रृmतिको होर्डिङबोर्ड राखिने र त्यसलाई पर्यटकिय व्यवसाई श्याम भण्डारीले सहयोग गर्ने निर्णय बैठकले गरेको छ । त्यसैगरि बैठकले बैशाख १३ गते सदरमुकाम खलंगामा सबै सरोकार वालाहरुको सहभागितामा जिल्लाको पर्यटकिय सम्भावना विषयक गोष्ठी गर्ने निर्णय गरेको छ । सो गोष्ठीमा कार्यक्रम प्रस्तुत गर्न उद्योग बाणिज्य संघका अध्यक्ष हरिहर बुढाथोकीको संयोजकत्वमा कार्यपत्र निर्माण समिति समेत गठन गरिएको छ ।
समितिका सदस्यहरुमा पत्रकार महासंघ सल्यानका अध्यक्ष एवं रेडियो राप्ती एफ एमका स्टेशन म्यानेजर रमेश कुमार गौतम र जिविस सल्यानका योजना अधित्रृत सुरेश अधिकारी रहनु भएको छ । बैठक समन्वय समितिका अध्यक्ष एवं प्रमुख जिल्ला अधिकारी नारायण प्रशाद आचार्यको सम्योजकत्वमा सम्पन्न भएको हो।
0 comments:
Post a Comment