गोरखामा लापु महोत्सव शुरु

राजेन्द्र न्यौपाने

 बैशाख १ गोरखा। उत्तरी गोरखाको लापु गाविसलाई पर्यटकीय हिसावले चिनाउने उदेश्यले लापु महोत्सव आज देखि शुरु गरिएको छ । नववर्ष २०६८ को स्वागत गदै श्री सयपत्री युवा क्वले सो महोत्सवको आयोजना गरेको हो ।गोरखा सदरमुकाम देखि २२ कोष पश्चिममा प्रसिद्ध धार्चे लेक मुनीको लापु गाउँमा सो महोत्सव शुरु भएको हो ।

बैशाख १ देखी वैशाख ४ गतेसम्म सम्पन्न हुने महोत्सवले प्रचार प्रसारको अभावमा ओझेलमा परेका लापुलाई पर्यटकीय स्थलको रुपमा विकसित गर्ने आयोजकका जीत बहादुर गुरुङले बताउनुभयो ।

विगत २०६४ सालदेखी महोत्सव गरेतापनि यसै वर्ष प्रचार प्रसारको अभाव भएको र यस वर्ष भिन्न प्रकारले महोत्सव गर्न लागेको र यो वर्षको कार्यक्रम उत्कृष्ट वनाइने महोत्सव मुल आयोजक समितिले महोत्सवलाई व्यवस्थित वनाउन विभिन्न दल, समाजसेवी ,वुद्धिजीवि, लगायत अन्य संघ संस्थाका प्रतिनिधिहरुलाई सहभागी गराई २४ सदस्यीय मुल आयोजक समिति गठन गरिएको जनाईएको छ ।

महोत्सवलाई व्यवस्थित वनाउन ९ वटै वडाका सवै प्रतिनिधी समेटिने गरी उपसमिति निर्माण गरिएको र उपसमितिमा ९ जना सदस्य रहेको महोत्सव लापुको वडा नं १ को थास्साङ डाँडावाट आज वनभोज कार्यक्रम गरी शुरु भएको हो । भोली महोत्सवको दोश्रो दिन लापुको सयपत्री क्लवको प्राङ्गढमा खुल्ला भलिवल प्रतियोगिता हुने, यस्तै लोक नृत्य प्रतियोगिता, सियो धागो , पानी भर्ने, वाँसमा चढ्ने, सटपुट लगायतका कार्यक्रम रहेको छ ।

महोत्सवमा स्थानीय स्तरवाट उत्पादन हुने विभिन्न प्रकारको सामनहरु जस्तै व्याग, हातमा लगाउने धागो, पाखी , वख्खु, डोको, धन्चे आदिको प्रर्दशनी गरी विक्रि वितरण समेतको व्यवस्था गरिएको छ।