शिक्षालाई निजीकरण र व्यापारिकरण नगर्न आग्रह

यम चौलागाई

 बैशाख १ सिन्धुलीअखिल नेपाल राष्टिय स्वतन्त्र विद्यार्थी युनियन (क्रान्तिकारी) जिल्ला शाखा सिन्धुलीले शिक्षामा निजिकरण तथा व्यापारिकरण हुने गरेको प्रति आफ्नो ध्यानाकर्षण भएको जनाएको छ । कक्षा १ देखि १० सम्मको शिक्षालाई संविधानत निशुल्क लेखिएको भएपनि कार्यन्वयन नभएको भन्दै आज एक प्र ेस विज्ञप्ती जारी गरी ध्यानाकर्षण भएको जनाएको छ ।

विज्ञप्तीमा विद्यार्थी तथा अभिभावकलाई संवैधानिक अधिकारको कार्यन्वयनमा दवाव दिने संगठनको अभियानलाई सहयोग गरी शुल्क नतिर्न आग्रह समेत गरेको छ । यसैगरी शैक्षिक समानता कायम गरी सहयोग पुर्याउन निजि विद्यालय संचालकहरु सँग आग्रह गर्नुका साथै प्याप्सन, एनप्याप्सन र आफ्नो संगठन विच भएका पुराना सहमतीलाई कार्यन्वयन गर्नपनि आग्रह गरेको छ । जिल्ला सचिव बुद्ध कुमार अछामी द्धारा हस्ताक्षरित विज्ञप्तीमा मागहरुका बारेमा सम्वन्धीत पक्षले ध्यान नदिए नजिकिदै गरेको १८ औं जिल्ला संमेलन पछि थप आन्दोलनका कार्यक्रमहरुको तयारीका साथ संघर्षमा जाने उल्लेख गरिएको छ ।

संगठनले यसअघि नै आउदो शैक्षिक सत्र बाट कक्षा १० सम्म निशुल्क शिक्षा प्रदान गर्न र निजी विद्यालयहरु संचालन गर्न ज्ञापन पत्र मार्फत अपिल गरिसकेको छ ।