चैते दशैं मेला सकियो

राजेन्द न्यौपाने
 बैशाख २ गोरखा। गोरखकाली युथ क्लवद्धारा आयोजना गरिएको चैतेदशै मेला सकिएको छ ।गोरखा दरवार क्षेत्रमा आयोजना गरिएको मेलामा हजारौ जनमानस मेलामा सहभागी वनेको मेला आयोजक  समिति गोरखकाली युथ क्लवले जनाएको छ ।

      

सदाको वर्ष जस्तै यस वर्ष  पनि लोक दोहोरी प्रतियोगिता, हाँडीफुटाई प्रतियोगिता, सुलीमा भाले टिप्ने प्रतियोगिता,छेलो प्रतियोगिता आयोजना गरिएको थियो ।

मेलामा दर्जनौ घरेलु तथा फुल, प्रसाद, गिष्टका सामग्री , विभिन्न प्रकारका चिठ्टा लगायतका स्टलहरु राखिएको थियो ।परम्परागत जात्रालाई व्यवस्थीत रुपमा मेला नाम दिएको यो मेलामा कुनै पुरानै प्रकारको झल्को पाईथ्यो ।

चैत दशैको अवसरमा गोरखा लगायत आसपासका जिल्लावाट भक्तजनहरु गोरखा कालिका दर्शन गर्न आउने विभिन्न प्रकारको वलीको लागी आउने भएकाले यी वासिन्दाहरुलाई व्यवस्थित रुपमा राख्नु र गोरखाको चिनारी तथा गोरखाका संस्कृति संकारको वारेमा जानाकारी दिने मेलाको उदेश्य रहेको छ ।

मेलामा करिव १५ हजार मासिलले अवलोकन गरेको र लाखौको कारोवार भएको जनाईएको छ ।