रूद्र श्रीस मगर
Read More......
वैशाख १९ लिवाङ, रोल्पा। नेपाल मगर विद्यार्थी संघले जेठ १४ गतेभित्र नयाँ संविधान जारी हुन नसक्ने ठहर गर्दै संविधानको मस्यौदा सार्वजनिक गर्न माग गरेको छ । संघको रोल्पा सदरमुकाम लिवाङमा शनिबार सम्पन्न केन्द्र ीयसमितिको पाँचौं पूर्ण बैठकले सो माग गरेको हो ।
यही परिस्थितिमा नयाँ संविधान तत्काल जारी हुन नसक्ने भएकाले कम्तीमा मस्यौदा भएपनि सार्वजनिक गर्नुपनेर् संघको माग रहेको अध्यक्ष माधवकुमार दर्लामीमगरले जानकारी दिनुभयो । साथै, संघको सो बैठकले गत फागुनमा सिन्धुलीमा संघको राष्ट्रिय विस्तारित भेला भव्य रूपमा सम्पन्न भएको ठहर समेत गरेको छ ।
नयाँ संविधानमा मौलिक अधिकारसहितको विभेदरहित शिक्षा आजको आवश्यकता, आत्मनिर्णयको अधिकारसहित मगरात स्वायत्तता भन्ने नाराका साथ सम्पन्न बैठकले मगर जातिको हक अधिकारलाई नयाँ संविधानमा सुनिश्चित गराउन र शैक्षिक आन्दोलनलाई अघि बढाउनका लागि संघर्षका कार्यक्रम तय गर्ने भएको छ । सोका लागि संघले अध्यक्ष दर्लामीको नेतृत्वमा पाँच सदस्यीय संयोजन समिति निर्माण गरेको छ
भने नेपाल आदिवासी जनजाति महासंघले घोषणा गरेको आन्दोलनप्रति ऐक्यबद्धता जनाउँदै सक्रिय सहभागी हुने निर्णय गरेको छ । आसन्न राष्ट्रिय जनगणना २०६८ मा मगर जातिको सही तथ्याङ्क संकलनका लागि गणकसँगै संघले आफ्नो तर्फबाट पर्यवेक्षक खटाउने र देशव्यापी रूपमा सचेतना कार्यक्रम सञ्चालन गर्ने निर्णय गरिएको महासचिव नरे न्द्र थापामगरले जानकारी दिनुभयो ।
प्रत्येक वर्ष विश्वप्र सिद्ध गायक अरूण थापामगरको स्मृति दिवसका अवसरमा प्रदान गरि ँदै आएको यस वर्षको अरूण स्मृति संगीत पुरस्कारका लागि छनौट गर्ने जिम्मेवारी केन्द्रीय सचिवालय समितिलाई दिइएको छ । मगर जातिको मातृभाषा मगर भाषामा शिक्षा प्रदान गर्नका लागि हाल व्यवस्था भएको प्राथमिक तहसम्मको पाठ्यक्रमलाई देशव्यापी कार्यान्वयन गराउन पहल गनेर् निर्णय समेत संघले गरेको छ । यसअघि, बैठकको उद्घाटनसत्रमा नेपाल मगर संघ रोल्पाका सचिव हिराबहादुर घर्तीमगर, नेपाल पत्रकार महासंघ रोल्पाका पूर्व सभापति खेम बुढामगर, अठार मगरात मगर प्रतिष्ठान रोल्पाका पूर्व अध्यक्ष दयाबहादुर बुढामगर, जिल्ला शिक्षा कार्यालय रोल्पाका विद्यालय निरीक्षक दलबहादुर थापामगर, संघका केन्द्रीय उपाध्यक्ष गणेश पहराईमगरलगायतले मातृभाषा शिक्षाका लागि मगर विद्यार्थी संघले देशभरि जागरण फैलाउन पहल गर्नुपर्नेमा जोड दिनुभएको थियो ।
