हिम नाथ दवाडी
फागुन २४ काठमाडौं ।अत्याधिक रूपमा बढ्दै गएको सहकारीको कार्यक्षेत्रको लागि सरकारले दायित्व तोक्नुपर्नेनेपाल सरकारका सहसचिव एवम् साना तथा जलविद्युत विकास समितिका निर्देशक आत्मकृष्ण श्रेष्ठले बताउनु भएको छ । सहकारी संस्था नाफामूखि हुदै गएकोलेसेवामूक क्षेत्रमा समेत सहकारीले काम गर्नुपर्ने उहाँले बताउनु भयो ।
राजधानीको नयाँवजारमा सम्पन्न इन्डेक्स वचत तथा ऋण सहकारी संस्थाको प्रथम बार्षिक साधारण सभामा बोल्दै श्रेष्ठले नेपालमा हाल २ अर्ब भन्दा बढिको विद्युत चोरी हुने गरेको भन्दै यसलाई रोक्न पनि सहकारीलाई विद्युत वितरणको जिम्मा तोक्नुपर्ने बताउनु भयो । स्थापनाको पहिलो ६ महिनामा नै सहकारीको भीडमा पहिचान बनाएर अगाडि बढ्न सकेको यस सहकारीको शेयर पुजिँ २५ लाख ७० हजार ४ सय रहेको संस्थाका अध्यक्ष शंकरकुमार श्रेष्ठले जानकारी गराउनु भयो । सहकारीले आफ्ना ग्राहकवर्गको सुविधाका लगि निकट भविष्यमै खुत्रुके बचत, रेमिटेन्स संकलन, विमा योजना लगायतका कार्यक्रम ल्याउने पनि अध्यक्ष श्रेष्ठले बताउनु भयो ।
स्थापनको छोटो समयमा नै राम्रो बजार हिस्सा लिन सफल यस सहकारी संस्थाले पहिलो वर्षमा ४१ लाख ३३ हजार, ८ सय ३९ रुपैँया निक्षेप संकलन गरि ६० लाख ८९ हजार २ सय ६२ रुपैँया कर्जा प्रवाह गरेको सहकारी संस्थाका सचिव मनोज श्रेष्ठले जानकारी गराउनु भयो । संथामा जम्मा १ सय ८५ जना सेयर सदस्य रहेको छ ।
0 comments:
Post a Comment