सुशील पन्त
फागुन २६ काठमाडौँ। संविधानसभा संवैधानिक समिति अन्तर्गतको उपसमितिले संविधानको अन्तिम व्याख्या अदालतबाटै गर्ने सैद्धान्तिक सहमति गरेको छ । संविधानसभा सचिवालय सिंहदरवारमा विहान बसेको बैठकले संविधानको व्याख्या अदालतले गर्ने सहमति गरेको समिति सदस्य एवं काङ्गे्रस संसदीय दलका नेता रामचन्द्र पौडेलले जानकारी दिनुभयो ।
सर्वोच्च अदालत भित्रै संवैधानिक बेञ्च गठन गर्ने वा छुट्टै संवैधानिक अदालत गठन गर्ने भन्ने विषयमा भने भोलि बस्ने बैठकले औपचारिक निर्णय गर्नेछ ।
उपसमितिका आमन्त्रित सदस्य डा.प्रकाशचन्द्र लोहनीले संवैधानिक अदालतको क्षेत्राधिकारवारे भोलिको बैठकमा थप छलफल हुने बताउनुभयो । न्यायाधीश नियुक्तिको संयन्त्रमा समेत भोलिको बैठकवाट निर्णय हुनेछ । यसअघि एकीकृत माओवादी संविधानको व्याख्या संसदवाटै गर्नुपर्ने अडानमा थियो ।
कानून बनाउने निकायले नै अन्तिम व्याख्या गर्ने व्यबस्था लोकतन्त्रको मर्म विपरित हुनै भन्दै चर्को आलोचना भएपछि माओवादी सम्बैधानिक अदालत गठन गर्ने विकल्पमा सहमत देखिएको हो । यसैबीच काङ्गे्रस नेता पौडेलले आगामी मसान्तसम्ममा काम सम्पन्न नभए उपसमितिको म्याद केहि दिन थप गर्न सकिने बताउनु भएको छ ।
उपसमितिलाई विवाद समाधान गर्न दिइएको समय आगामी सोमवार सकिदैछ ।
0 comments:
Post a Comment