मध्यमाञ्चल क्षेत्रिय महोत्सवको आज, राष्ट्रपति रामवरण यादवद्धारा उदघाटन हुँदै

एसवी गौतम,

माघ २८, सिन्धुली ।
 सिन्धुलीगढी पर्यटनको आधार रसिलो जुनार सिन्धुलीको उपहार भन्ने मुलनाराका साथ हिजो देखि सिन्धुलीमाढीमा मध्यमाञ्चल क्षेत्रिय महोत्सव सुरु भएको छ । महोत्सव हिजोवाट सुरु भएपनि आज राष्ट्रपति रामवरण यादवले दिउसो २ बजे महोत्सवको उद्घाटन गर्नुहुने कार्यक्रम छ  । विहान  ११ बजे ¥याली निकालिएको र्यालीले सिन्धुली सदरमुकाम परिक्रममा गरेको छ  ।  करिव ४० लाखको लागतमा करिव ३ लाख मानिसले अवलोकन गर्ने र ३ करोडको आर्थिक कारोवार हुने अनुमान गरिएको छ । उधोग, व्यापार, पर्यटन, कृषि, घरेलु तथा लघु उद्यम, विज्ञान प्रविधीको बृहत प्रदशनी गरिने आयपोजकले जनाएको छ । पर्यटन वर्ष २०११ को उपलक्ष्यमा सिन्धुलीको कमलामाई, कालिकामाई, सिद्धवावा मन्दिर एवं सिन्धुलीगढीलाई पर्यटन क्षेत्रको रुपमा विश्वमै पहिचान गराउने उद्देश्य महोत्सवले लिएको छ । कार्यक्रममा राष्ट्रिय तथा स्थानिय कलाकारहरुको वृहत सास्कृतिक कार्यक्रम, स्थानिय, राष्ट्रिय, तथा अन्तराष्ट्रिय व्यवसायीवाट उत्पादित सामानहरुको प्रदशनी, कृषि जन्य वस्तुको प्रदशनी, दृष्टिविहिन कलाकारवाट लोकदोहोरी कार्यक्रम अन्य मनोरन्जनात्मक कार्यक्रमहरुमा, सर्कस, विङहरु र मौतका कुवा रहुने उधोग वाणिज्य सघं सिन्धुलीका अध्यक्ष मीनवहादुर श्रेष्ठले जानकारी दिनुभएको छ ।