कुल तामाङ्
फागुन १७ नुवाकोट । र् याफ्टिङको मज्जा लिनेका लागी त्रिशूली नदीको चिसो पानीमा हेलिदै छेलिदै देविघाट देखि गल्छी जाने मौका जुरेको छ । यो मौका जुराईदिएको हो लोटस वेव नेपालले गतसाताबाट नुवाकोटमा पनि र् याफ्टिङ सञ्चालन गरेर ।
सरकारले घोषणा गरेको पर्यटन बर्षलाई सफल बनाउन निजी क्षेत्रको प्रयासमा जिल्लामा जल विहारको सुरु भएको हो । परिक्षणको रुपमा धेरै पटक र् याफ्टिङ सञ्चालन भए पनि अहिले भने छोटो समयको लागी व्यवसायिक रुपमा र्याफ्टिङ सञ्चालन गरिएको सञ्चालक विनोद दाहालले बताए ।
र् याफ्टिङ बाह्य पर्यटकको लागी आकर्षणको केन्द्र भए पनि नुवाकोटमा भने बाह्य भन्दा पनि आन्तरिक पर्यटकलाई लक्षित गरी सस्तो शुल्कमा सुरु गरिएको आयोजकले जनाएको छ ।
लोटस वेव प्रालि अन्र्तगत ¥याफ्टिङ तथा कायाकिङ सेन्टरले सञ्चालन गरेको देविघाट गल्छी र् याफ्टिङको १७ किलोमिटर रहेको छ । देविघाटबाट सुरु भएर बुधसिं घाट, रातमाटे, तारुकाघाट, कोल्पु दोभान हुदै धादिङको गल्छीमा गएर जलविहार टुङ्गिने गर्दछ ।
जलविहार गर्नको लागी जिल्लाका विभिन्न कार्यालयका कर्मचारी, विद्यार्थी तथा सर्वसाधारणको सहभागिता बढीरहेको छ । त्रिशूली नदीमा जल विहारमा प्राकृतिक दृश्यवलोकन गर्दै हिड्नुको आनन्द उठाउन मानिसहरु ओइरिन थालेका छन् ।
देविघाट गल्छी ¥याफ्टिङ गरेर फर्किएका एमाले जिल्ला अध्यक्ष नारायणप्रसाद खतिवडाले निरन्तर र् याफ्टिङ सञ्चालन भएमा
जिल्लाको पर्यटन प्रवद्र्धनको लागी सहयोग पुग्ने बताउनुभयो । प्रचार प्रसार गर्न सके आन्तरिक मात्र नभई बाह्य पर्यटकलाई पनि आकर्षित गर्न सक्ने अध्यक्ष खतिवडाले बताउनुभयो ।
अत्याधुनिक डुङ्गामार्फत सञ्चालन भईरहेको र् याफ्टिङमा आकर्षण बढिरहेकोले १५ दिन सञ्चालन गर्ने भनिए पनि केही दिन थपिने सञ्चालक दाहालले बताउनुभयो ।
