मस्तवीर कर्याकङरह्वा
फागुन २५ कैलाली। एकीकृत नेकपा माओवादीका उपाध्यक्ष नारायणकाजी श्रेष्ठले सातबुँदे सहमतीको जगमा टेकेर प्रधानमन्त्रीले आधार तयार पारे लगत्तै सरकारले पूर्णता पाउने बताउनु भएको छ । उहाले सातबुदे सहमतीको कार्यान्वयन गरी सरकारलाई छिटै पूर्णता दिनेबारे दुई दलबीच छलफल भइरहेको बताउनुभयो ।
क्रान्तिकारी पत्रकार संघ कैलालीले मंगलबार धनगढीमा आयोजित पत्रकार सम्मेलनमा उपाध्यक्ष श्रेष्ठले सरकारमा छिटै आफनो पार्टीले बाकी मंत्री पठाउन चाहे पनी प्रधानमन्त्रीको पार्टी एमालेबाटै त्यसमा ढिलाइ भएको आरोप लगाउनु भयो । उहाँले सातदबुदे सहमतीको भावना र मर्म अनुसार नै आगामी जेठ १४ गते पछि सरकारको नेतृत्व एकीकृत माओवादीले पाउने दाबी गर्नुभयो । उपाध्यक्ष श्रेष्ठले सरकार गठन भए लगत्तै गिराउने षडयन्त्र भएकाले त्यसलाई चिर्दै माओवादी सरकारमा सहभागी भएको बताउनु भयो ।
उपाध्यक्ष श्रेष्ठले संविधानसभाको म्याद थप्नु पर्छ भन्नेतर्फ नभइ समयमै शान्ति प्रक्रिया र संविधान निर्माणको ऐतिहासिक कार्यभार पूरा गर्न सवै दलले एकजुट भएर अघी बढ्नु पर्ने बताउनुभयो ।
0 comments:
Post a Comment