बासुदेव थापा फागुन २४ लमजुङ ।
शान्ति, राष्ट्रिय स्वाधिनता र जनताको संविधानको पक्षमा संघर्ष गरौं, विशेषाधिकार सहित समानुपातिक प्रतिनिधित्वको लागि १ सय १ औं श्रमिक महिला दिवस सफल पारौं भन्ने नाराका साथ अन्तराष्ट्रिय श्रमिक महिला दिवसको अवसरमा अखिल नेपाल महिला संघ क्रान्तिकारी, महिलाहरुको सञ्जाल वाप्डक र चक्रतिर्थ एकता महिला समूहको संयुक्त आयो जनामा मंगलवार चक्रतिर्थको तिनपिप्लेमा बृहत महिला सभा गरि सम्पन्न भएको छ । महिला नेतृ क्लारा जेटकिनको नेतृत्वमा समान कामको समान ज्याला मागको सहित अमेरिकाको न्यूयोर्क शहरको कार्पेट उद्योगमा काम गर्ने श्रमिक महिलाहरुले आन्दोलनबाट प्राप्त उपलब्धीलाई दिवसको रुपमा मार्च ८ सन १९१० बाट मनाउन सुरु गरिएको थियो । उक्त आन्दोलनले सफलता पाएपछि रुसको बोल्सेविक क्रान्ति सम्पन्न पश्चात सरकारी रुपमा सार्वजनिक विदा दिन थालेको हो । सभासद हिमकुमारी सुनारको प्रमुख आतिथ्यमा भएको उक्त सभामा चक्रतिर्थ, धमिलिकुवा, भलायखर्क, ताकुघाट, राइनास मोहरिया, लगायत जिल्लाका विभिन्न भेगबाट ठूलो मात्रामा महिलाहरुको सहभागिता रहेको थियो । सो कार्यक्रमका अन्य अतिथिहरुमा नेपाल राष्ट्रिय दलित मुक्ति मोर्चाकी अध्यक्ष विष्णु विक, एनेकपा माओवादी तमुवान राज्य समिति सदस्य ओमप्रसाद पौडेल, लोकतान्त्रिक महिला मञ्च लमजुङकी अध्यक्ष नलुकुमारी गुरुङ, महिला आपसी सहयोग केन्द्रकी प्रतिनिधि लालुमाया गुरुङ, अखिल नेपाल महिला संघ क्रान्तिकारी मलाङ अध्यक्ष कुमारी गुरुङ लगायतले उक्त दिवस सफलताको शुभकामना मन्तव्य राख्नु भएको थियो । सो सभाको अतिरिक्त अन्तर कृया समेत गरिएको थियो । अनेम संघ क्रान्तिकारी जिल्ला सचिव इन्दिरा पोख्रेलले सञ्चालन गर्नुभएको उक्त सभा अध्यक्ष शान्ता भुजेलको अध्यक्षतामा सम्पन्न भएको थियो ।
0 comments:
Post a Comment