जेठ १८ काठमाडौं। प्रमुख सत्तारुढ एकीकृत माओवादीले नेताहरुले लिने गरेको दोहोरो सुरक्षालाई बैकल्पीक ब्यवस्था गरेर हटाउन निर्णय गरेको छ ।
काठमाडौंको नयाँ वजारस्थित अध्यक्ष पुष्पकमल दाहालको निवासमा आज बसेको माओवादी पदाधिकारी बैठकले केन्द्रीय नेताहरुका लागि गरिएको दोहोरो सुरक्षा ब्यवस्था तत्काल हटाउने निर्णय गरेको उपाध्यक्ष नारायणकाजी श्रेष्ठले जानकारी दिनुभयो । उहाँले नेताहरुको सुरक्षाको बैकल्पीक ब्यवस्था हुने बित्तिकै दोहोरो सुरक्षा हटाउने बताउनुभयो ।
माओवादी नेताहरुले प्रहरी र शिविरक लडाकुका सुरक्षाकर्मीलाई आफ्नो सुरक्षाका लागि खट्टाउने गरेका छन् । उनिहरुको दोहोरो सुरक्षालाई लिएर चौतर्फि बिरोध समेत भएको थियो ।
त्यसै गरेर माओवादीले शिविरमा लडाकुले प्रयोग गर्ने र बाहिर प्रयोग भएका सवारी साधनहरुलाइ कानूनी बैधता दिने निर्णय गरेको छ । त्यसका लागि उनिहरुले सरकारसंग छलफल गरी सवारी साधन यातायाता ब्यवस्था बिभागमा दर्ता गराने निर्णय गरेको उपाध्यक्ष श्रेष्ठले बताउनुभयो । माओवादी शिविर भित्र प्रयोग भएका सवारी साधनलाई सरकारी र बाहिर प्रयोग भएकालाई रातो नम्वर प्लेटको बनाउने श्रेष्ठले बताउनुभयो ।
यसैवीच, ५ बुँदे सहमतिको कार्यान्वयन र समग्र राजनीतिक बिषयमा छलफल गर्न माओवादीले आफ्नो स्थायी समितिको बैठक शुक्रबारका लागि बोलाएको छ । बैठक राजधानीमा बस्ने छ ।
संविधानसभाको म्याद तीन महिना थप गर्ने क्रममा ५ बुँदे सहमति गरेका प्रमुख दलहरुले त्यसको कार्यान्वयन र समिक्षाका सम्बन्धमा आन्तरीक गृहकार्यमा जुटेका छन् ।
यसै क्रममा ५ बुँदका बारेमा रणनीति र भावी योजना बनाउने देश्यका साथ एकीकृत माओवादी, कांग्रेस र एमालेका अलग अलग बैठकहरु राजधानीमा बसीरहेका छन् ।
