पाँच पाण्डवले सरस्वतीको मन्दिर निर्माण गर्ने

गणेश घिमिरे, माघ ११, इलाम । 

स्वर्गवास भइसकेको आफनो वावुको नाममा पाँच जना छोराहरुले इलामको जिर्मले स्थित सरस्वति माविको प्राङ्गणमा सरस्वतिको मन्दिर निर्माण गर्ने भएका छन् । स्वर्गवास भएका इलाम जिर्मले गाविस वडा नम्बर ४ का कृष्ण वहादुर प्रधानको स्मृतिमा छोराहरु तिल वहादुर प्रधान, हुकुमलाल प्रधान, निन वहादुर प्रधान, उजुर प्रधान र तेज वहादुर प्रधानले संयुक्त रुपमा मन्दिरको निर्माण गर्ने भएका हुन् । सोहि विद्यालय व्यवस्थापन समितिका संस्थापक अध्यक्ष समेत रहेका स्वर्गिय कृष्ण वहादुर प्रधानको स्मतिमा विद्यालयको प्राङ्गणमा वन्न लागेको मन्दिर निर्माणका लागि एक लाख रुपैया खर्च लाग्ने जनाइएको छ ।