कक्षाकोठाको अभावमा खुल्ला आकाशमुनी पढ्न बाध्य ।।

माघ ७, कैलाली ।

कैलाली जिल्लाको सुगरखाल गाविसको दुर्गम फलेबिसौनामा रहेको शान्ति माविका विद्यार्थीहरु कक्षाकोठाको अभावमा चौरमा बसेर पढ्न बाध्य भएका छन् । कक्षा १० सम्म ७०० भन्दा बढी विद्यार्थीको चाप रहेको विद्यालयमा एक कार्यालयसहित दुई कोठे पक्की भवनका ५ वटा कोठा मात्रै छन् । जमसध्ये विद्यालयको अफिसकोठा स्थानिय जनचेतना सामुदायिक वनको सहयोगमा जनश्रमदानबाट बनाइएको हो । कक्षाकोठाको अभाव भएकाले गर्मी सिजनमा जेनतेन रुखको छहारीमा पढाई संचालन भए पनि चिसो र पानी परेको समयमा विद्यालय बन्द गर्नुपर्ने अवस्था रहेको बिद्यालय व्यबस्थापन समीतिका सदस्य दिपक बमले बताउनुभयो । स्थानियबासीन्दाको सहयोगमा पटक पटक काठका टहरा बनाएर पढाई गराइने भए पनि समस्या जस्ताको त्यस्तै रहेको छ ।